BounceBox Trampoline Egypt

Add to Favourites
0.00 (0 votes)
Added 2017-10-17 23:24:15
Created by
Contact رقم التليفون: 01018660337​
https://www.facebook.com/BounceBoxEgypt/?ref=page_internal

Description

BounceBox Trampoline Egypt
القلب يقودنا دايما الي التنطيط والهيلا هوب 
احنا رغم قعدتنا دي في طاقة جوانا والله بس نلاقي المكان الصح والمكان ده مجرد ما تدخله النشاط هيرجعلك تاني من منظر الناس اللي بتتشقلب قدامك فهتجري تقولهم انا عاوز اتشقلب ساعة لو سمحتم هيدوك مفتاح وشراب تاخد المفتاح تقتح lockerتحط في كل اشياءك وتقلع الكوتشي وتلبس الشراب بتاعهم وتدخل 
في اللحظة دي بقى انت كل حركتك الجاية تنطيط مش هتعرف تمشي عادي لمدة ساعة المكان كبير وفي حاجات كتير جوا ممكن تعملها يعني في Basketball بس طبعا بـ taste مختلف تماما وانت بتتنطط  وفي تلاتة Professional trampolines بحالهم !! ودي النطّة بتاعتها اعلى فبتديك مساحة شقلبة حلوة ولو اول مرة ليك هتلاقي ناس بتعمل شغل شقلبة عجيب كدة اوعى يحبطك وحاول تعمل حركتين عالخفيف كدا وواحدة واحدة هتظبط معاك 
في عندهم الـ Foam Pit ودي طريقه جديدة للعوم كأنك رايح وبتنط في البسين بالظبط بس وانت طالع منه بتحس انك في برنامج رامز حرفيا ومحتاج حبل يطلعك 
في لعبة حلوة اوي بقى ودي تلعبها مع حد متعصب منه :D اسمها Battle Beam ودي بتكنوا انتوا اللي اتنين واقفين على حاجة عرضها صغير جدا واي زقة بتقع في الـ Foam على طول .. شوفوا مين البرنس اللي هيوقع التاني 
من اهم الحاجات اللي شوفناها هناك الـ Staff دول ناس كدة فضائيين بيعرفوا يتشقلبوا صح :D والمهم ان على كل لعبة بتلاقي حد واقف وكتير يقولك على حركات تحاول تعملها وبردو بيكون موجود علشان يتاكد على سلامتك وانك مش بتعمل حركات خطيرة فبصراحة شابوو ليهم 
غير ده كله ال view من التراس كاشف الترامبولين كله يعنى تقدر تتفرج على الشقلبة زى ما انت عايز و انت بتشرب و بتاكل و انت منسجم.
اخر حاجة المكان ده في حاجة بتميزه جدا انه مناسب لاعياد الميلاد وفي مساحة كبيرة جدا ممكن يتعمل فيها عيد الميلاد وتعتبر فكرة حلوة انكوا تحتفلوا بعيد ميلاد حد وتتنططوا شوية قبل ما تاكلوا التورتة 
في Cafe مخصص للانتظار علشان لو ابنك او حد تبعك هيلعب وعايز تقعد تتفرج عليه وتستناه 
الاسعار: 120 جنيه + 20 جنيه شراب الترامبولين

العنوان: مكسيم مول , شارع التسعين الشمالى , التجمع الخامس
 
رقم التليفون: 01018660337​

Location


مكسيم مول , شارع التسعين الشمالى , التجمع الخامس

Advert details

Advert ID: 834
Displayed: 183
Expires: 2027-10-24 19:11:00

Comments

Rating

Price
Product state
Shipment

Users' reviews

Log-in to add review

Classifieds Map