حديقة الأندلس

Add to Favourites
0.00 (0 votes)
Added 2017-09-19 19:41:44
Created by

Description

حديقة الأندلس


مكان رائع علي النيل يستحق الزياره، أنشئت سنة 1935!

وهي عباره عن جزئين، جزء جنوبي عربي أندلسي، وجزء شمالى فرعوني، بس الجزء الأندلسي أجمل، عباره عن نافوره كبيره وحواليها مدرجات من الجناين وكلها مزينه بالرخام والقيشاني والفسيفساء المستورد من ايطاليا وتركيا! امام النافوره مبني كبير وسطه تمثال لأحمد شوقي. حديقه تاريخيه جميله وفخمه جدا تبرز العز الي كنا عايشين فيه زمان، واتعمل فيها حفلات لعبد الحليم حافظ وفريد الأطرش وفيروز وغيرهم، وشفناها كلنا في أغنية أنغام الشهيره في بداياتها وغيرها من الأفلام والكليبات.
مكانها في الزمالك آخر كوبري قصر النيل يمين، أقرب محطة مترو أنفاق هي محطة الأوبرا او لو رايح بالعربيه الأفضل تركن في جراج التحرير وتتمشي علي كوبري قصر النيل او تركب كارته،

مافيش جوه أنشطه كتير غير التجول والاستمتاع بالحديقه وبالنيل والتصوير، وفي كافيه متواضع بيقدم مشروبات، انا شربت شاي وزجاجة مايه دفعت 20ج. ومافيش مطاعم ولا ألعاب أطفال


وتذكرة الدخول ب5ج للمصريين و10ج للأجانب والكاميرا ب50ج (تصوير بالموبايل مسموح مجانا) 

والفوتو سيشن للعرايس ب400ج. والمواعيد يوميا من 9ص ل10م وفي الصيف والعطلات

 

Location


الزمالك آخر كوبري قصر النيل يمين، أقرب محطة مترو أنفاق هي محطة الأوبرا

Advert details

Advert ID: 568
Displayed: 275
Expires: 2027-09-26 15:30:00

Comments

Rating

Price
Product state
Shipment

Users' reviews

Log-in to add review

Classifieds Map